خاص- مروة البحيري
دافع النائب السابق ورجل الاعمال محمد الخشمان عن رحلة الاردنية للطيران التي اثارت جدلا واسعا وصل الى دعوات لمقاطعة الشركة وذلك في اعقاب وصولها الى الكيان الصهيوني وهي تقل بعثة المنتخب الارجنتيني ونجمه اللاعب ميسي.
واوضح الخشمان في منشوره على فيسبوك ان بعض المواطنين تحولوا من "نشامى" الى صفات لم يتصف بها الاردني مسبقا.. مستغربا ومستهجنا محاربة النجاح بطريقة قذرة – على حد تعبيره!
وتساءل الخشمان في منشوره "ما العيب في نقل اشهر لاعب بالعالم على متن طائرة اردنية واضاف .. لو انتقل اللاعب على متن طائرة امريكية هل يفتح احد فمه بكلمة واحدة..
الخشمان الذي تجاهل التهمة الحقيقية التي اطلقها مناهضون للتطبيع عرج الى دور الشركة في تشغييل الايدي العاملة من خلال عبارة " بتفرحوا بخراب بيوت ناس عم بتسترزق" ولم ينسى الزج باسم جلالة الملك والملكة في منشوره داعيا الى ضرورة اغلاق المواقع الاخبارية المسيئة واغلاق الافواه التي تخلق الفتنة.
رحلة ميسي على متن الاردنية للطيران أخذت ابعادا كبيرة وتحليلات كثيرة واتهامات خطيرة الا ان الخشمان وضع لها حدا بجملة "شو الغلط بالموضوع"..
وتاليا منشور الكابتن محمد الخشمان على فيس بوك
((في كل مكان بتروح عليه بتقول انا اردني ع طول بنسمع كلمة هلا بالنشمي، او النشامى؛ ما اخدناه بسهولة اللقب، اكيد جدودنا وآبائهم كانوا يعملوا أمور عظيمة بين بعض اللي خلت الناس تطلق هالكلمة عليهم، بس اللي عم يستغرب منه! معقول في ناس من اهل بلدي اهل الشهامة والنخوة، عم بتحولوا من النشامى ليصير محلها صفات عمره الأردني ما اتصف فيها! شو عم بسير يا نشامى ! ع شو هالحرب اللي عم بتشنوها ع الناس الي بتشتغل! ع الناس اللي بتحاول تخدم بلدها وناسها!! وصلت انكم تحاربوا النجاح بطرق قذرة! لا وشو توسيخ اسم وسمعة أشخاص وشركات بلدكم!! بتفرحوا بخراب بيوت ناس عم بتسترزق!! لا جلالة الملك او الملكة او رئيس وزراء او وزير او اي حد خالص من لسانات الدخلاء ع قيمنا وعادتنا!! شو العيب لما اشهر لاعب بالعالم ينتقل بطائرة أردنية عليها اية قران؟ شو الغلط بالموضوع ؟ بتتخوتوا ع الآية؟ وكمان ع الشركة اللي من بلدك؟؟ بالله لو انتقل ع الطيران الأمريكي كنتوا رح تفتحوا تمكم بكلمة!!! لما احد النواب واحدى القنوات بنزل ع صفحته الكلام بطريقة مسيئة لشركة وطنية وفيها استفزاز لمشاعر الناس، مش عيب!؟ أصبحنا بأمس الحاجة الى قرار صارم باغلاق المواقع الإخبارية اللي هدفها تخريب البلد! وإغلاق افواه الناس اللي هدفها الفتنة والخراب! لانه بنحب بلدنا وبدنا ترجع صفة النشمي عند الناس اللي راحت منها او يتركوا بلدنا والنشامى الحقيقين بحالهم. #نشامى#))
موضوع سابق:
